ଦିଲ୍ଲୀର କର୍ତ୍ତବ୍ୟପଥରେ ୭୬ତମ ସାଧାରଣତନ୍ତ୍ର ଦିବସ ପାଳିତ

ଆଜି ସାରା ଦେଶ ପାଳନ କରୁଛି ୭୬ତମ ସାଧାରଣତନ୍ତ୍ର ଦିବସ । ଏହି ଅବସରରେ କର୍ତ୍ତବ୍ୟପଥରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଜାତୀୟ ପତାକା ଉତ୍ତୋଳନ କରିଛନ୍ତି।  ଏହି ଅବସରରେ ଇଣ୍ଡୋନେସିଆ ରାଷ୍ଟ୍ରପତି ପ୍ରବୋଭୋ ସୁବିଆଣ୍ଟୋ ମୁଖ୍ୟ ଅତିଥି ଭାବେ ଯୋଗଦେଇଛନ୍ତି। ରାଷ୍ଟ୍ରପତିଙ୍କୁ ୨୧ ତୋପ ସଲାମୀ ଦିଆଯିବା ପରେ କର୍ତ୍ତବ୍ୟ ପଥରେ ଆରମ୍ଭ ହୋଇଥିଲା ଚିତ୍ତାକର୍ଷକ ପରେଡ୍ । ବିଶ୍ଵବାସୀ ଦେଖିଛନ୍ତି ଭାରତର ଶକ୍ତି ଓ ପରାକ୍ରମ ।

ପ୍ରତିବର୍ଷ ଭଳି ଚଳିତ ବର୍ଷ ମଧ୍ୟ ରାଜଧାନୀ ଦିଲ୍ଲୀର କର୍ତ୍ତବ୍ୟପଥ ନିଜର ସାମରିକ ଶକ୍ତି ଏବଂ ସମୃଦ୍ଧ ସାଂସ୍କୃତିକ ଐତିହ୍ୟ ପ୍ରଦର୍ଶନ କରାଯାଉଛି।  ଇଣ୍ଡୋନେସିଆର ୩୫୨ ଜଣିଆ ଶୋଭାଯାତ୍ରା ଓ ବ୍ୟାଣ୍ଡ୍ ଦଳ ମଧ୍ୟ ଏହି ପରେଡ୍‌ ଅଂଶଗ୍ରହଣ କରିଛନ୍ତି। ଏଥରର ବିଷୟବସ୍ତୁ ହେଉଛି ‘ସ୍ୱର୍ଣ୍ଣିମ ଭାରତ: ଐତିହ୍ୟ ଓ ବିକାଶ’। ଚଳିତ ବର୍ଷ ‘ସ୍ୱର୍ଣ୍ଣିମ ଭାରତ: ଐତିହ୍ୟ ଓ ବିକାଶ’ ଶୀର୍ଷକରେ କର୍ତବ୍ୟ ପଥରେ ୩୧ଟି ପ୍ରଜ୍ଞାପନ ମେଢ଼ ପ୍ରସ୍ତୁତ କରାଯିବ।  ପରେଡରେ ବିଭିନ୍ନ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳର ୧୬ଟି ଏବଂ କେନ୍ଦ୍ର ମନ୍ତ୍ରଣାଳୟ, ବିଭାଗ ଓ ସଂଗଠନର ୧୫ଟି ପ୍ରଜ୍ଞାପନ ମେଢ଼ ପ୍ରଦର୍ଶିତ ହୋଇଛି। ଏହା ସହ ପ୍ରଥମ ଥର ପାଇଁ ଏକ ସାଙ୍ଗରେ ୫୦୦୦ କଳାକାରଙ୍କ ଦ୍ୱାରା ସାଂସ୍କୃତିକ ପରିବେଷଣ କରାଯାଇଛି ।