ଆପ କୁ ଆପଦା କହିଲେ ପ୍ରଧାନମନ୍ତ୍ରୀ ମୋଦି

ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦିଲ୍ଲୀରେ ବିଭିନ୍ନ ବିକାଶମୂଳକ ପ୍ରକଳ୍ପର ଉଦଘାଟନ ଓ ଶିଳାନ୍ୟାସ କରିଛନ୍ତି। ଦିଲ୍ଲୀର ଅଶୋକ ବିହାରର ରାମଲୀଳା ପଡ଼ିଆରେ ଆୟୋଜିତ କାର୍ଯ୍ୟକ୍ରମରେ ସାମିଲ୍‌ ହୋଇ ସେଠାରେ ଆମ୍ ଆଦମୀ ପାର୍ଟିକୁ କଡ଼ା ଭାଷାରେ ସମାଲୋଚନା କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ଆପ୍‌କୁ ଆପ୍‌ଦା କହିକଡ଼ା ସମାଲୋଚନା କରିଛନ୍ତି ପ୍ରଧାନମନ୍ତ୍ରୀ ମୋଦି । ସେ କହିଛନ୍ତି ଗତ ୧୦ ବର୍ଷରେ ଦିଲ୍ଲୀ ବିପର୍ଯ୍ୟୟ ମଧ୍ୟରେ ଘେରି ରହିଛି । ଆନ୍ନା ହଜାରେଙ୍କୁ ଆଗରେ ରଖି କିଛି କଟ୍ଟର ବେଇମାନ । ଦିଲ୍ଲୀକୁ ବିପର୍ଯ୍ୟୟ ମୁହଁକୁ ଠେଲି ଦେଇଛନ୍ତି । ଏବେ ଏହି ବିପର୍ଯ୍ୟୟରୁ ମୁକ୍ତ ହେବାକୁ ଦିଲ୍ଲୀବାସୀ ସ୍ଥିର କରି ସାରିଛନ୍ତି ।

ମୋଦି ଆଉ ମଧ୍ୟ କହିଛନ୍ତି ଦିଲ୍ଲୀ ଭୋଟର କହୁଛନ୍ତି ଆପ୍‌ଦାକୁ ସହିବୁନି, ପରିବର୍ତ୍ତନ କରିକି ରହିବୁ । ମୁଁ ବି ଚାହିଁଥିଲେ ନିଜ ପାଇଁ କାଚ ମହଲ ବନାଇ ପାରିଥାନ୍ତି । କିନ୍ତୁ ମୁଁ ଗରିବଙ୍କ ବିକାଶକୁ ଗୁରୁତ୍ବ ଦେଲି । ମୁଁ ୪ କୋଟି ଲୋକଙ୍କୁ ଘର ଯୋଗାଇ ଦେଇଛି, ଶୀଶମହଲ ନିର୍ମାଣ କରିନାହିଁ।