ପରୀକ୍ଷା ପେ’ ଚର୍ଚ୍ଚା ମାଧ୍ୟମରେ ପରୀକ୍ଷାର୍ଥୀଙ୍କୁ ମୋଦିଙ୍କ ଟିପ୍ସ

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପରୀକ୍ଷା ପେ’ ଚର୍ଚ୍ଚାର ଅଷ୍ଟମ ସଂସ୍କରଣରେ ଆଜି ଛାତ୍ରଛାତ୍ରୀ, ଅଭିଭାବକ ଏବଂ ଶିକ୍ଷକମାନଙ୍କ ସହ ପରୀକ୍ଷା ପ୍ରସ୍ତୁତି, ଚାପ ପରିଚାଳନା ଏବଂ ବ୍ୟକ୍ତିଗତ ଅଭିବୃଦ୍ଧି ବିଷୟରେ ଆଲୋଚନା କରିଛନ୍ତି ।

ଛାତ୍ରଛାତ୍ରୀଙ୍କୁ ସମ୍ୱୋଧିତ କରି ଲେଖିବା ଅଭ୍ୟାସ ଉପରେ ଗୁରୁତ୍ୱ ଦେଇଛନ୍ତି । ପରୀକ୍ଷା ବେଳେ କେମିତି ଛାତ୍ରଛାତ୍ରୀ ଚାପ ମୁକ୍ତ ହେବେ, ଶିକ୍ଷକ ଓ ଅଭିଭାବକ ଏଥିପ୍ରତି କିପରି ଯତ୍ନବାନ ହେବେ ଏସବୁ ବିଷୟରେ ମୋଦି ଆଲୋଚନା କରିଛନ୍ତି ।

ଛାତ୍ରଛାତ୍ରୀମାନେ କଠିନ ବିଷୟକୁ ପ୍ରତିବନ୍ଧକ ପରିବର୍ତ୍ତେ ଚ୍ୟାଲେଞ୍ଜ ଭାବେ ଦେଖି ଅଧିକ ସମୟ ଦେବା ଉଚିତ ।

ପିଲାଙ୍କ ସ୍ୱପ୍ନକୁ ବୁଝିବା, ସେମାନଙ୍କ ଶକ୍ତିକୁ ଚିହ୍ନିବା, ମାର୍ଗଦର୍ଶନ କରିବା ଏବଂ ସେମାନଙ୍କୁ ସମର୍ଥନ କରିବା ପାଇଁ ସେ ଅଭିଭାବକମାନଙ୍କୁ ଉତ୍ସାହିତ କରିଛନ୍ତି । ନିଜ ପିଲାଙ୍କୁ ଅନ୍ୟ ମାନଙ୍କ ସହ ତୁଳନା ନକରିବାକୁ ମୋଦି ଅଭିଭାବକମାନଙ୍କୁ ଅନୁରୋଧ କରିଛନ୍ତି ।