ଇଡିର ଚଢ଼ାଉ ନେଇ ସ୍ପଷ୍ଟ କଲେ ନିରଞ୍ଜନ ପଟ୍ଟନାୟକ

ପ୍ରବର୍ତ୍ତନ ନିର୍ଦ୍ଦେଶାଳୟ ଚଢ଼ାଉ ନେଇ ବରିଷ୍ଠ କଂଗ୍ରେସ ନେତା ତଥା ପୂର୍ବତନ ପିସିସି ସଭାପତି ନିରଞ୍ଜନ ପଟ୍ଟନାୟକ ପ୍ରତିକ୍ରିୟା ଦେଇ କହିଛନ୍ତି ଇଡି ତାଙ୍କ କାମ କରୁଛନ୍ତି, ମୋତେ କିଛି ପଚାରି ନାହାନ୍ତି। ମୋ ବିଷୟରେ ନୁହେଁ ଭାଇ ଏବଂ ଭାଇଙ୍କ ପୁଅର ବ୍ୟବସାୟ ସମ୍ପର୍କରେ ଇଡି ରେଡ୍ କରିଥିଲା । ଚଢ଼ାଉ ବେଳେ ତାଙ୍କ ଘରୁ କୌଣସି କାଗଜପତ୍ର ନେଇ ନାହାନ୍ତି ଇଡି ବୋଲି କହିଛନ୍ତି ନିରଞ୍ଜନ ପଟ୍ଟନାୟକ ।

ସୂଚନା ଯୋଗ୍ୟ, ଗତ ୨୦ ତାରିଖ ଦିନ କଂଗ୍ରେସ ନେତା ନିରଞ୍ଜନ ପଟ୍ଟନାୟକଙ୍କ ଭୁବନେଶ୍ୱର ନୟାପଲ୍ଲୀସ୍ଥିତ ଘରେ ପ୍ରବର୍ତ୍ତନ ନିର୍ଦ୍ଦେଶାଳୟ ଚଢ଼ାଉ କରିଥିଲା । ଭୁବନେଶ୍ୱର ନୟାପଲ୍ଲୀ ସ୍ଥିତ ବାସଭବନ ସମେତ ଇଡି ତିନୋଟି ସ୍ଥାନରେ ଚଢଉ କରିଥିଲା । ତେବେ କେଉଁ କାରଣ ପାଇଁ ଚଢ଼ାଉ କରାଯାଇଥିଲା ସେ ନେଇ କିଛି ସୂଚନା ମିଳିପାରି ନଥିଲା।