ଆଜିଠାରୁ ବିହାରରେ ବହୁ ପ୍ରତୀକ୍ଷିତ ଏସିଆ କପ୍ ହକି ପ୍ରତିଯୋଗିତା ଆରମ୍ଭ ହୋଇଯାଇଛି । ସେପ୍ଟେମ୍ବର ୭ ତାରିଖ ପର୍ଯ୍ୟନ୍ତ ଅନୁଷ୍ଠିତ ହେବ ଏହି ମ୍ୟାଚ୍ । ଏସିଆ ମହାଦେଶର ମୋଟ ୮ଟି ଦେଶର ଦଳ ଏଥିରେ ଅଂଶ ଗ୍ରହଣ କରିଛନ୍ତି । ମୁହାଁମୁହିଁ ହେବେ ଏସିଆ ମହାଦେଶର ୮ଟି ଟିମ୍। ପୁଲ୍ ଏ’ରେ ଭାରତ, ଚୀନ, ଜାପାନ ଓ କାଜାକସ୍ତାନ୍ ରହିଥିବାବେଳେ ପୁଲ୍ ବି’ରେ ମାଲେସିଆ, କୋରିଆ, ବାଂଲାଦେଶ ଓ ଚାଇନିଜ୍ ତାଇପେଇ ରହିଛନ୍ତି । ୨୦୨୬ FIH ବିଶ୍ୱକପ୍ରେ ସିଧାସଳଖ ପ୍ରବେଶ କରିବେ ଏସିଆ କପ୍ ବିଜେତା। ଆସନ୍ତା ବର୍ଷ ନେଦରଲ୍ୟାଣ୍ଡସ୍ ଏବଂ ବେଲଜିୟମ୍ରେ ହେବ FIH ପୁରୁଷ ବିଶ୍ୱକପ୍ । ଆଜି ପ୍ରଥମ ଦିନରେ ମ୍ୟାଲେସିଆ-ବାଂଲାଦେଶ, ସାଉଥ କୋରିଆ-ଚାଇନିଜ୍ ତାଇପେଇ, ଜାପାନା-କାଜାକସ୍ତାନ ଏବଂ ଆୟୋଜକ ଦଳ ଭାରତ ଓ ଚୀନ ମଧ୍ୟରେ ମୁକାବିଲା ହେବ । ଅପରାହ୍ନରେ ୩ଟାରେ ଭାରତ ଏବଂ ଚୀନ ମଧ୍ୟରେ ମୁକାବିଲା ହେବାକୁ ଯାଉଛି । ହରମନପ୍ରୀତ ସିଂହଙ୍କ ନେତୃତ୍ଵରେ ଦଳ ପଡ଼ିଆକୁ ଓହ୍ଲାଇବେ । ହରମନପ୍ରୀତ ସିଂହଙ୍କ ନେତୃତ୍ବରେ ଖେଳିବ ୧୮ ଜଣିଆ ଭାରତୀୟ ଦଳ । ଟିମ୍ରେ ୩ ଓଡ଼ିଆ ଅମିତ୍ ରୋହିଦାସ, ଶିଳାନନ୍ଦ ଲାକ୍ରା ଓ ନୀଲମ ସଞ୍ଜୀପ୍ ଖେସ୍ ମଧ୍ୟ ସ୍ଥାନ ପାଇଛନ୍ତି । ଆଜି ଖେଳା ଯାଇଥିବା ମ୍ୟାଚ୍ ଗୁଡ଼ିକ ହେଲା:- ଅଗଷ୍ଟ ୨୯- ମାଲେସିଆ ବନାମ ବାଂଲାଦେଶ- ସକାଳ ୯ ଟାରେ ଅଗଷ୍ଟ ୨୯- ଦକ୍ଷିଣ କୋରିଆ ବନାମ ଚାଇନିଜ୍ ତାଇପେ- ସକାଳ ୧୧ ଟା ଅଗଷ୍ଟ ୨୯- ଜାପାନ ବନାମ କାଜାଖସ୍ତାନ- ଅପରାହ୍ନ ୧ ଟା ଅଗଷ୍ଟ ୨୯- ଭାରତ ବନାମ ଚୀନ- ଅପରାହ୍ନ ୧ ଟା Post navigation ଅନ୍ତର୍ଜାତୀୟ ମୁଦ୍ରା ପାଣ୍ଠିର କାର୍ଯ୍ୟନିର୍ବାହୀ ନିର୍ଦ୍ଦେଶକ ହେଲେ ଉର୍ଜିତ ପଟେଲ ବଦଳିଲା ଝାରପଡ଼ା ଦୁର୍ଗାପୂଜା ମଣ୍ଡପର ଠିକଣା
