ସୈଫ ଅଲ୍ଲୀଙ୍କ ସ୍ପାଇନରୁ ବାହାରିଲା ୨.୫ ଇଞ୍ଚ୍ ର ଛୁରୀ

ବଲିଉଡ ଅଭିନେତା ସୈଫ ଅଲ୍ଲୀଙ୍କ ସ୍ପାଇନରୁ ବାହାରିଲା ୨.୫ ଇଞ୍ଚର ଛୁରୀ । ଏହା ସହ ସୈଫ ଅଲ୍ଲୀ ଖାନଙ୍କୁ ଘରେ ପଶି ଦୁର୍ବୃତ୍ତ ଆକ୍ରମଣ ଘଟଣାରେ ପୋଲିସର ତନାଘନା ଜାରିରହିଛି।  ଏଥିରେ ସାମିଲ ଥିବା ଅଭିଯୁକ୍ତଙ୍କ ମଧ୍ୟରୁ ଜଣଙ୍କୁ ଚିହ୍ନଟ କରିଛି ପୋଲିସ।  ଅଭିଯୁକ୍ତ ଚିହ୍ନଟ ହୋଇଥିବା ନେଇ ମୁମ୍ବାଇ ପୋଲିସ ସୂଚନା ଦେଇ କହିଛି ଚୋରି କରିବାକୁ ଆସିଥିବା ବେଳେ ସୈଫଙ୍କୁ ମରଣାନ୍ତକ ଆକ୍ରମଣ କରିଥିବା ପ୍ରାଥମିକ ତଦନ୍ତରୁ ସୂଚନା ମିଳିଛି । ସିସିଟିଭି ଆଧାରରେ ଜଣେ ଅଭିଯୁକ୍ତ ଚିହ୍ନଟ କରାଯାଇଥିବା ପୋଲିସ କହିଛି । ଆପାର୍ଟମେଣ୍ଟରେ ସିଢ଼ି ଦେଇ ସୈଫ୍‌ଙ୍କ ଘରକୁ ଦୁର୍ବୃତ୍ତ ପ୍ରବେଶ କରିଥିଲା ।

ଅନ୍ୟପଟେ ମରଣାନ୍ତକ ଆକ୍ରମଣରେ ସୈଫ ଅଲ୍ଲୀ ଖାନଙ୍କ ଶରୀରରେ ୬ଟି ସ୍ଥାନରେ କ୍ଷତ ଚିହ୍ନ ରହିଛି । ଏଥିମଧ୍ୟରୁ ୨ଟି ସ୍ଥାନରେ ଗଭୀର ଆଘାତ ଲାଗିଛି । ଏବେ ସୈଫ ଅଲ୍ଲୀ ଖାନଙ୍କ ନ୍ୟୁରୋ ସର୍ଜରୀ ଏବଂ ପ୍ଲାଷ୍ଟିକ୍ ସର୍ଜରୀ ଶେଷ ହୋଇଛି । ସେ ଏବେ ବିପଦ ମୁକ୍ତ, ତାଙ୍କ ସ୍ବାସ୍ଥ୍ୟାବସ୍ଥା ସ୍ଥିର ରହିଛି ବୋଲି ଡାକ୍ତର ନିତୀନ ଏନ୍ ଡାଙ୍ଗେ ସୂଚନା ଦେଇଛନ୍ତି।