ଦିଲ୍ଲୀ ପରିବହନ ମନ୍ତ୍ରୀ କୈଳାସ ଗହଲୋତ ଙ୍କ ମନ୍ତ୍ରୀ ପଦ ରୁ ଇସ୍ତଫା, ଛାଡିଲେ ଆମ ଆଦମୀ ପାର୍ଟି(AAP)

ଦିଲ୍ଲୀ ବିଧାନସଭା ନିର୍ବାଚନର କିଛି ମାସ ପୂର୍ବରୁ ଆମ୍ ଆଦମୀ ପାର୍ଟି ପାଇଁ ଏକ ବଡ଼ କ୍ଷତି, ବରିଷ୍ଠ ମନ୍ତ୍ରୀ ତଥା ଦୀର୍ଘ ଦିନର ଦଳର ନେତା କୈଳାସ ଗହଲୋତ ଇସ୍ତଫା ଦେଇଛନ୍ତି। ସୂତ୍ରରୁ ପ୍ରକାଶ ଯେ ସେ ବିଜେପିରେ ଯୋଗଦେବାକୁ ଯୋଜନା କରୁଛନ୍ତି। ଗହଲୋତ ଦିଲ୍ଲୀ ପ୍ରଶାସନରେ ଗୃହ, ପରିବହନ, ସୂଚନା ପ୍ରଯୁକ୍ତିବିଦ୍ୟା ଏବଂ ମହିଳା ଓ ଶିଶୁ ବିକାଶ ସମେତ ଅନେକ ପ୍ରମୁଖ ବିଭାଗର ଦାୟିତ୍ୱରେ ଥିଲେ। ଦଳର ମୁଖ୍ଯ ଅରବିନ୍ଦ କେଜ୍ରିୱାଲଙ୍କୁ ଦେଇଥିବା ଇସ୍ତଫା ପତ୍ରରେ 50 ବର୍ଷୀୟ ନେତା ଆପ୍ ଭିତରରୁ ସମ୍ମୁଖୀନ ହେଉଥିବା ଅସୁବିଧା ବିଷୟରେ ଉଲ୍ଲେଖ କରି କହିଛନ୍ତି ଯେ,”ରାଜନୈତିକ ମହତ୍ୱାକାଂକ୍ଷା ଲୋକଙ୍କ ପ୍ରତି ଆମର ସମର୍ପଣକୁ ଅତିକ୍ରମ କରିଛି, ଯାହାର ଫଳସ୍ୱରୂପ ଅନେକ ଅସମ୍ପୂର୍ଣ୍ଣ ପ୍ରତିଶୃତି ମିଳିଛି। ଉଦାହରଣ ସ୍ୱରୂପ, ଯମୁନାକୁ ନିଅନ୍ତୁ, ଯାହାକୁ ସଫା କରିବା ପାଇଁ ଆମେ ଶପଥ କରିଥିଲୁ, କିନ୍ତୁ କେବେ ତାହା କରିପାରିଲୁ ନାହିଁ। ସେ ବିଶ୍ୱାସ କରନ୍ତି ଯେ ଯମୁନା ନଦୀ ବର୍ତ୍ତମାନ ପୂର୍ବ ଅପେକ୍ଷା ଅଧିକ ପ୍ରଦୂଷିତ ହୋଇଛି।

ଗହଲୋତ କହିଛନ୍ତି  ଯେ ଆପ୍ “ନିଜସ୍ୱ ରାଜନୈତିକ ଏଜେଣ୍ଡା ପାଇଁ ଲଢ଼ୁଛି” ଏବଂ ଏହା “ଦିଲ୍ଲୀର ଲୋକଙ୍କୁ ମୌଳିକ ସେବା ପ୍ରଦାନ କରିବାର ଆମର କ୍ଷମତାକୁ ଗୁରୁତର ଭାବରେ ଦୁର୍ବଳ କରିଦେଇଛି”। ସେ କହିଛନ୍ତି, “ଏହା ଏବେ ସ୍ପଷ୍ଟ ଯେ ଦିଲ୍ଲୀ ସରକାର ଯଦି କେନ୍ଦ୍ର ସହ ଲଢ଼େଇ କରି ନିଜର ଅଧିକାଂଶ ସମୟ ବିତାଇବେ, ତେବେ ଦିଲ୍ଲୀ ପାଇଁ ପ୍ରକୃତ ପ୍ରଗତି ହୋଇପାରିବ ନାହିଁ।” ଦିଲ୍ଲୀବାସୀଙ୍କୁ ସେବା କରିବାର ପ୍ରତିବଦ୍ଧତା ସହିତ ମୁଁ ମୋର ରାଜନୈତିକ ଯାତ୍ରା ଆରମ୍ଭ କରିଥିଲି ଏବଂ ମୁଁ ଏହା ଜାରି ରଖିବାକୁ ଚାହୁଁଛି। ଏହି କାରଣରୁ, ମୋ ପାଖରେ ଆପ୍ ଛାଡ଼ିବା ବ୍ଯତୀତ ଅନ୍ଯ କୌଣସି ବିକଳ୍ପ ନଥିଲା, ତେଣୁ ମୁଁ ଆମ୍ ଆଦମୀ ପାର୍ଟିର ପ୍ରାଥମିକ ସଦସ୍ଯତାରୁ ଇସ୍ତଫା ଦେଉଛି। ଆପଣଙ୍କ ସ୍ୱାସ୍ଥ୍ଯ ଏବଂ ଭବିଷ୍ଯତ ପାଇଁ ମୁଁ ଆପଣଙ୍କୁ ଶୁଭେଚ୍ଛା ଜଣାଉଛି ” ବୋଲି ଇସ୍ତଫା ପତ୍ର ରେ ଲେଖିଛନ୍ତି |