ଅନ୍ତର୍ଜାତୀୟ ମୁଦ୍ରା ପାଣ୍ଠିର କାର୍ଯ୍ୟନିର୍ବାହୀ ନିର୍ଦ୍ଦେଶକ ହେଲେ ଉର୍ଜିତ ପଟେଲ

ରିଜର୍ଭ ବ୍ୟାଙ୍କର ପୂର୍ବତନ ଗଭର୍ଣ୍ଣର୍ ଉର୍ଜିତ ପଟେଲଙ୍କୁ ମିଳିଲା ବଡ଼ ଦାୟିତ୍ୱ।  ଅନ୍ତର୍ଜାତୀୟ ମୁଦ୍ରା ପାଣ୍ଠି(ଆଇଏମ୍ଏଫ୍)ର କାର୍ଯ୍ୟନିର୍ବାହୀ ନିର୍ଦ୍ଦେଶକ ହେଲେ ଉର୍ଜିତ ପଟେଲ। ଆଗାମୀ ୩ ବର୍ଷ ପାଇଁ ଏ ନେଇ କ୍ୟାବିନେଟ୍ ନିଯୁକ୍ତି କମିଟି ଦେଲା ଅନୁମୋଦନ । ଏ ନେଇ ବିଜ୍ଞପ୍ତି ପ୍ରକାଶ ପାଇଛି ।

ଅଗଷ୍ଟ ୨୮ ତାରିଖରେ ଜାରି ହୋଇଥିବା ଆଦେଶରେ କୁହାଯାଇଛି । ଉର୍ଜିତ ନୋଟିସ୍ ଜାରି ହେବା ଦିନଠାରୁ ଆଗାମୀ ୩ ବର୍ଷ ପର୍ଯ୍ୟନ୍ତ ଏହି ପଦବୀରେ ରହିବେ । ସେ ପୂର୍ବରୁ ମଧ୍ୟ ଆଇଏମ୍ଏଫ୍ ଅଧୀନରେ କାମ କରିସାରିଛନ୍ତି ।

ସୂଚନା ଯୋଗ୍ୟ; ଉର୍ଜିତ ପଟେଲ ସେପ୍ଟେମ୍ବର ୪, ୨୦୧୬ରେ ଆରବିଆଇର ୨୪ତମ ଗଭର୍ଣ୍ଣର୍ ହୋଇଥିଲେ । ସେ ରଘୁରାମ ରାଜନଙ୍କ ପରେ ଏହି ଦାୟିତ୍ୱ ସମ୍ଭାଳି ଥିଲେ । ମାତ୍ର ତାଙ୍କର କାର୍ଯ୍ୟକାଳ ଶେଷ ହେବା ପୂର୍ବରୁ ସେ ବ୍ୟକ୍ତିଗତ କାରଣ ଦର୍ଶାଇ ଇସ୍ତଫା ଦେଇଥିଲେ ।