ବିହାର ନିର୍ବାଚନ ପାଇଁ ଚୂଡ଼ାନ୍ତ ଭୋଟର୍ ତାଲିକା ପ୍ରକାଶ

ପ୍ରକାଶ ପାଇଲା ବିହାର ବିଧାନସଭା ନିର୍ବାଚନ ପାଇଁ ଚୂଡ଼ାନ୍ତ ଭୋଟର୍ ତାଲିକା । ଭୋଟର୍ ତାଲିକା ପ୍ରକାଶ କଲେ ବିହାର ମୁଖ୍ୟ ନିର୍ବାଚନ ଅଧିକାରୀ । ନିର୍ବାଚନ ଆୟୋଗଙ୍କ ୱେବସାଇଟରେ ଭୋଟର ତାଲିକା ଉପଲବ୍ଧ ହୋଇଛି । ଲୋକମାନେ voters.eci.gov.in ଲିଙ୍କ୍ ଉପରେ କ୍ଲିକ୍ କରି ସେମାନଙ୍କର ନାମ ଦେଖିପାରିବେ।

ବିହାର ମୁଖ୍ୟ ନିର୍ବାଚନ ଅଧିକାରୀ କହିଛନ୍ତି ଆଜି ଚୂଡ଼ାନ୍ତ ମତଦାତାଙ୍କୁ ତାଲିକା ପ୍ରକାଶ ପାଇଛି । ଅକ୍ଟୋବର ୬ ତାରିଖ ପରେ କୌଣସି ବି ମୁହୂର୍ତ୍ତରେ ନିର୍ବାଚନ ତାରିଖ ଘୋଷଣା ହେବାର ସମ୍ଭାବନା ରହିଛି  । ନିର୍ବାଚନ କମିଶନଙ୍କ ସଦ୍ୟତମ ତଥ୍ୟ ଅନୁଯାୟୀ, ରାଜ୍ୟରେ ଭୋଟ ତାଲିକା ସଂଶୋଧନ ପ୍ରକ୍ରିୟା ଆରମ୍ଭ ହେବା ପରଠାରୁ ପ୍ରାୟ ୪୭ ଲକ୍ଷ ନାମ ତାଲିକାରୁ ବାଦ ଦିଆଯାଇଛି।

ନିର୍ବାଚନ କମିଶନ ଜୁନ୍ ୨୪ ସୁଦ୍ଧା ୭.୮୯ କୋଟି ଭୋଟରଙ୍କ ନାମ ରିପୋର୍ଟ କରିଥିଲେ। ୬୫ ଲକ୍ଷ ଅଯୋଗ୍ୟ ନାମ ବାଦ ଦେବା ପରେ, ଅଗଷ୍ଟ ୧ ସୁଦ୍ଧା ଡ୍ରାଫ୍ଟ ତାଲିକା ୭.୨୪ କୋଟିରେ ପହଞ୍ଚିଥିଲା। ଚୂଡ଼ାନ୍ତ ଡ୍ରାଫ୍ଟରେ, ସଂଶୋଧନ ସମୟରେ ୨୧.୫୩ ଲକ୍ଷ ଯୋଡା ଏବଂ ୩.୬୬ ଲକ୍ଷ ବାଦ ଦେବା ସହିତ, ସେପ୍ଟେମ୍ବର ୩୦ରେ ଭୋଟର ତାଲିକା ୭.୪୨ କୋଟି ଭୋଟର ଥିଲା। ।