BLO suspended In Bhubaneswar: ଭୁବନେଶ୍ୱରରେ ଭୋଟର ତାଲିକାର ସ୍ୱତନ୍ତ୍ର ସଘନ ସଂଶୋଧନ କାର୍ଯ୍ୟରେ ଅବହେଳା ପାଇଁ BLO ନିଲମ୍ବିତ

ଭୁବନେଶ୍ୱର ମ୍ୟୁନିସିପାଲ କର୍ପୋରେସନ ଭୋଟର ତାଲିକାର ସ୍ୱତନ୍ତ୍ର ସଘନ ସଂଶୋଧନ (SIR) ସମ୍ବନ୍ଧୀୟ କାର୍ଯ୍ୟରେ ଅବହେଳା ଅଭିଯୋଗରେ ଜଣେ ବୁଥ୍ ସ୍ତରୀୟ ଅଧିକାରୀ (BLO)ଙ୍କୁ ନିଲମ୍ବନ କରାଯାଇଛି। କାର୍ଯ୍ୟରେ ଅବହେଳା ପାଇଁ ଚନ୍ଦ୍ରଶେଖରପୁର ଫେଜ-୨ ସରକାରୀ ଉଚ୍ଚ ବିଦ୍ୟାଳୟର ସହକାରୀ ଶିକ୍ଷୟତ୍ରୀ ରଶ୍ମି ସାହୁ ନିଲମ୍ବିତ କରାଯାଇଛି। ଜନପ୍ରତିନିଧିତ୍ୱ ଆଇନ, ୧୯୫୦ ର ଧାରା ୩୨(୧) ଅନୁଯାୟୀ ଜିଲ୍ଲା ନିର୍ବାଚନ ଅଧିକାରୀ ଚଞ୍ଚଳ ରାଣା ତାଙ୍କୁ ତୁରନ୍ତ କାର୍ଯ୍ୟରୁ ନିଲମ୍ବିତ କରିଛନ୍ତି।

ମାର୍ଚ୍ଚ ୧୮ ତାରିଖରେ ଜାରି ହୋଇଥିବା ଏକ ସରକାରୀ ଆଦେଶ ଅନୁଯାୟୀ, ଚନ୍ଦ୍ରଶେଖରପୁରର ଏକ ସରକାରୀ ହାଇସ୍କୁଲର ସହକାରୀ ଶିକ୍ଷୟିତ୍ରୀ ଶ୍ରୀମତୀ ରଶ୍ମି ସାହୁଙ୍କୁ ବିଧାନସଭା ନିର୍ବାଚନମଣ୍ଡଳୀ ନଂ. ୧୧୩ ଅନ୍ତର୍ଗତ ବୁଥ୍ ନଂ. ୧୦୯ ପାଇଁ ବୁଥ୍ ସ୍ତରୀୟ ଅଧିକାରୀ (BLO) ଭାବରେ ନିଯୁକ୍ତ କରାଯାଇଥିଲା। କିନ୍ତୁ, କର୍ତ୍ତୃପକ୍ଷ ଜାଣିବାକୁ ପାଇଲେ ଯେ ରଶ୍ମି ସାହୁ କୌଣସି ବୈଧ କାରଣ କିମ୍ବା ପୂର୍ବ ଅନୁମତି ବିନା ସ୍ୱତନ୍ତ୍ର ସଘନ ସଂଶୋଧନ (SIR) କାର୍ଯ୍ୟ ସହିତ ଜଡିତ ତାଙ୍କର ନ୍ୟସ୍ତ କର୍ତ୍ତବ୍ୟରେ ଯୋଗଦାନ ଏବଂ ସଠିକ୍ ଭାବରେ ନିର୍ବାହ କରିବାରେ ବିଫଳ ହୋଇଛନ୍ତି, ଯାହା ଦ୍ୱାରା କର୍ତ୍ତବ୍ୟରେ ଅବହେଳା ଏବଂ ଆଇନଗତ ଆଦେଶର ଅବମାନନା ପ୍ରଦର୍ଶନ କରିଛନ୍ତିବ। ତେଣୁ ତାଙ୍କୁ ନିଲମ୍ବିତ କରାଯାଇଥିବା ବିଜ୍ଞପ୍ତି ରେ କୁହାଯାଇଛି।

ଜିଲ୍ଲା ନିର୍ବାଚନ ଅଧିକାରୀ ଏବଂ ବିଏମସିର କମିଶନର ଚଞ୍ଚଲ ରାଣାଙ୍କ ଦ୍ୱାରା ଜାରି କରାଯାଇଥିବା ଏହି ଆଦେଶରେ ଏହି ତ୍ରୁଟିକୁ “ଘୋର ଅବହେଳା, କର୍ତ୍ତବ୍ୟରେ ଅବହେଳା ଏବଂ ଆଇନଗତ ଆଦେଶର ଅବମାନନା” ବୋଲି କୁହାଯାଇଛି। ଏଥିରେ ଆହୁରି କୁହାଯାଇଛି ଯେ ଏପରି ଆଚରଣ ଜନପ୍ରତିନିଧିତ୍ୱ ଆଇନ, ୧୯୫୦ ଏବଂ ୧୯୫୧ ର ବ୍ୟବସ୍ଥା ସହିତ ପ୍ରଯୁଜ୍ୟ ସେବା ନିୟମ ଉଲ୍ଲଂଘନ କରେ।

ଭୋଟର ତାଲିକାର ସଠିକତା ଏବଂ ଅଖଣ୍ଡତା ବଜାୟ ରଖିବାରେ ବିଏଲଓଙ୍କ ବୈଧାନିକ ଗୁରୁତ୍ୱକୁ ଦୃଷ୍ଟିରେ ରଖି, ପ୍ରଶାସନ ଏହି ତ୍ରୁଟିକୁ ଗମ୍ଭୀରତାର ସହ ଦେଖିଛି। ସାହୁଙ୍କୁ ତୁରନ୍ତ ନିଲମ୍ବନ କରାଯାଇଛି, ପରବର୍ତ୍ତୀ କାର୍ଯ୍ୟାନୁଷ୍ଠାନ ପାଇଁ।

ନିଲମ୍ବନ ଅବଧି ମଧ୍ୟରେ, ସେ ସକ୍ଷମ ଅଧିକାରୀଙ୍କ ପୂର୍ବ ଅନୁମତି ବିନା ତାଙ୍କ ମୁଖ୍ୟାଳୟ ଛାଡିବେ ନାହିଁ ଏବଂ ନିୟମ ଅନୁଯାୟୀ ଗ୍ରହଣୀୟ ଭାବରେ ଭତ୍ତା ପାଇବାର ହକଦାର ହେବେ।