Delhi-Agra Expressway Crash: ଦିଲ୍ଲୀ-ଆଗ୍ରା ଜମୁନା ଏକ୍ସପ୍ରେସ ୱେରେ ଦୁର୍ଘଟଣା; ଅନେକ ଲୋକ ଜୀବନ୍ତ ଦଗ୍ଧ

ଦିଲ୍ଲୀ-ଆଗ୍ରା ଜମୁନା ଏକ୍ସପ୍ରେସ ୱେରେ ବଡ଼ ଧରଣର ଦୁର୍ଘଟଣା । ଏକାଧିକ ଗାଡ଼ି ପରସ୍ପରକୁ ଧକ୍କା ଦେବାରୁ ଗାଡ଼ିରେ ନିଆଁ ଲାଗିଯାଇଛି । ଯମୁନା ଏକ୍ସପ୍ରେସୱେରେ ସାତଟି ବସ୍ ଏବଂ ତିନୋଟି କାର ମଧ୍ୟରେ ଧକ୍କା ହେବା ଫଳରେ ଅତି କମରେ ଚାରି ଜଣଙ୍କର ମୃତ୍ୟୁ ହୋଇଥିବା ଏବଂ ୨୫ ଜଣ ଆହତ ହୋଇଥିବା ଜଣାପଡିଛି। ଅଗ୍ନିକାଣ୍ଡ ଯୋଗୁଁ ଘଟଣାସ୍ଥଳରେ ବ୍ୟାପକ ଆତଙ୍କ ସୃଷ୍ଟି ହୋଇଛି। ସୂଚନା ପାଇବା ପରେ ସ୍ଥାନୀୟ ପୋଲିସ ଏବଂ ଜିଲ୍ଲା ପ୍ରଶାସନ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଛନ୍ତି। କୁହୁଡ଼ି ଯୋଗୁ ଦୃଶ୍ୟମାନ ଦୂରତା କମିଯିବାରୁ ଏଭଳି ଭୟଙ୍କର ଦୁର୍ଘଟଣା ହୋଇଥିବା କୁହାଯାଉଛି ।

ମଥୁରା ଜିଲ୍ଲା ମାଜିଷ୍ଟ୍ରେଟ୍ ୪ ଜଣଙ୍କ ମୃତ୍ୟୁର ନିଶ୍ଚିତ କରିଛନ୍ତି। ଏହି ଘଟଣା ବଳଦେବ ପୋଲିସ ଷ୍ଟେସନ ଅଧୀନରେ ଥିବା ଯମୁନା ଏକ୍ସପ୍ରେସୱେର ମାଇଲଖୁଣ୍ଟ ୧୨୭ରେ ଘଟିଛି। ପୋଲିସ ଏବଂ ଯମୁନା ଏକ୍ସପ୍ରେସୱେ ଦଳ ଉଦ୍ଧାର ଏବଂ ରିଲିଫ କାର୍ଯ୍ୟରେ ନିୟୋଜିତ ଅଛନ୍ତି। ଅନେକ ଲୋକ ଆହତ ହୋଇଥିବା ସୂଚନା ମିଳିଛି। ଆହତମାନଙ୍କୁ ଚିକିତ୍ସା ପାଇଁ ଡାକ୍ତରଖାନାକୁ ନିଆଯାଇଛି।

ସୂଚନା ଯୋଗ୍ୟ; ଆଜି ଭୋର ପ୍ରାୟ ୪ଟାରେ ଘନ କୁହୁଡ଼ି ଯୋଗୁଁ ହଠାତ୍ ପାଞ୍ଚଟି ବସ୍ ଏବଂ ଅନ୍ୟ ଯାନରେ ନିଆଁ ଲାଗିଗଲା। ସକାଳ ହେବା ଯୋଗୁଁ ଅଧିକାଂଶ ଯାତ୍ରୀ ଶୋଇପଡ଼ିଥିଲେ। ଲୋକମାନେ କ’ଣ ଘଟୁଛି ତାହା ବୁଝିବା ବେଳକୁ, ନିଆଁ ସେମାନଙ୍କ ପାଖରେ ପହଞ୍ଚି ସାରିଥିଲା। ରିପୋର୍ଟ ଅନୁଯାୟୀ ୪ ଜଣ ଜୀବନ୍ତ ଦଗ୍ଧ ହୋଇଯାଇଥିଲେ। ଯମୁନା ଏକ୍ସପ୍ରେସୱେ ଏବଂ ପୋଲିସ ଘଟଣାସ୍ଥଳରେ ଉଦ୍ଧାର ଏବଂ ରିଲିଫ୍ କାର୍ଯ୍ୟରେ ନିୟୋଜିତ ଅଛନ୍ତି। ମୃତଦେହଗୁଡ଼ିକୁ ହେପାଜତକୁ ନିଆଯାଇଛି ଏବଂ ପରବର୍ତ୍ତୀ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି। ଆହତମାନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି।