ବିଧାୟକ ପ୍ରତାପ ଚନ୍ଦ୍ର ନାୟକଙ୍କ ନାଁରେ ନୋଟିସ୍; ଗୋଆରେ ୪୦୦ ଶ୍ରମିକଙ୍କୁ ରଖି କାମ କରାଉଥିବା ଅଭିଯୋଗ

ଦାଦନ ମୁକ୍ତ ନୁହେଁ ଦାଦନ ଯୁକ୍ତ କରି ରଖିଛନ୍ତି ବିଧାୟକ ପ୍ରତାପ ନାୟକ । ଗଞ୍ଜାମ କବିସୂର୍ଯ୍ୟନଗର ବିଧାୟକ ପ୍ରତାପ ନାୟକଙ୍କ ବିରୋଧରେ ସଙ୍ଗିନୀ ଅଭିଯୋଗ । ଗୋଆ ସହର ପାଖ ଭେରେନା ପଞ୍ଚାୟତରେ ବେଆଇନ କୋଠା ଗଢିଛନ୍ତି ପ୍ରତାପ ନାୟକ । ବେଆଇନ ଭାବେ ଗଢିଥିବା ପାଞ୍ଚ ମହଲା ଘରେ  ୪୦୦ ଶ୍ରମିକଙ୍କୁ ରଖି ବିଭିନ୍ନ କମ୍ପାନୀରେ କାର୍ଯ୍ୟ କରାଇ କମିଶନ ନେଉଥିବା ଅଭିଯୋଗ ସାମ୍ନାକୁ ଆସିଛି ।

ଏ ନେଇ ଗଞ୍ଜାମ କୋଦଳାରେ କୋଦଳାର ଜଣେ ବାସିନ୍ଦାଙ୍କ ଅଭିଯୋଗ ପରେ ସାମ୍ନାକୁ ଆସିଲା ସତ । ଅଭିଯୋଗ ପରେ ଏହି ବେଆଇନ୍ ଘରକୁ ଭାଙ୍ଗିବା ପାଇଁ ଗୋଆ ମାର୍ଗାଓ ଜିଲ୍ଲା ଜିଲ୍ଲା ସାଲକେଟ୍ ଅତିରିକ୍ତ ଜିଲ୍ଲାପାଳଙ୍କ ପକ୍ଷରୁ ନୋଟିସ୍ ଜାରି ହୋଇଛି।

ଗୋଆ ଜିଲ୍ଲା ପ୍ରଶାସନଠୁ ନେଇ ପଞ୍ଚାୟତ ସରପଞ୍ଚଙ୍କ ନିକଟକୁ ଚିଠି କରାଯାଇଛି। ତେବେ ବେଆଇନ କୋଠା ସମ୍ବନ୍ଧରେ ବିଧାୟକ ନିଜ ସତ୍ୟପାଠରେ ଉଲ୍ଲେଖ କରିନଥିବା ବେଳେ ଘଟଣା ଉପରେ ଉଚ୍ଚସ୍ଥରୀୟ ତଦନ୍ତ ଲାଗି ଦାବି କରିଛନ୍ତି ଅଭିଯୋଗକାରୀ ବିଶ୍ବାମିତ୍ର ତ୍ରିପାଠୀ ।