ଭାରତର ୧୫ଟି ସହରରେ ପାକିସ୍ତାନ କରିଥିବା ମିଜାଇଲ୍ ଆକ୍ରମଣ ଉଦ୍ୟମ ଭଣ୍ଡୁର

ଅପରେସନ ସିନ୍ଦୂର ପରେ ଭାରତ ପାକିସ୍ତାନ ମଧ୍ୟରେ ତୀବ୍ରତା ବଢ଼ିବାରେ ଲାଗିଛି। ପାକିସ୍ତାନ ଉପରେ ଭାରତର ଆକ୍ରମଣ ଅପରେସନ ସିନ୍ଦୂର ପରେ ଉତ୍ତର ଭାରତର ୧୫ଟି ସହରକୁ ପାକିସ୍ତାନ ମିସାଇଲ୍ ଆକ୍ରମଣ କରିଛି । ତେବେ ଏହାର ଭାରତୀୟ ପ୍ରତିରକ୍ଷା ବିଭାଗ ଭଣ୍ଡୁର କରିଦେଇଛି । ଭାରତର ବାୟୁସେନା ପକ୍ଷରୁ S-400 ସୁଦର୍ଶନ ଚକ୍ର ପାକିସ୍ତାନର ସମସ୍ତ ଉଦ୍ୟମକୁ ପଣ୍ଡ କରିଦେଇଛି। ଏ ନେଇ ପ୍ରତିରକ୍ଷା ମନ୍ତ୍ରଣାଳୟ ପ୍ରେସ୍ ବିବୃତ୍ତି ଜରିଆରେ ସୂଚନା ଦିଆଯାଇଛି ।

ପ୍ରତିରକ୍ଷା ମନ୍ତ୍ରଣାଳୟ ପକ୍ଷରୁ ଦିଆଯାଇଥିବା ସୂଚନା ଅନୁଯାୟୀ, ମେ ୭ ତାରିଖ ରାତିରେ ଭାରତ ପକ୍ଷରେ ଆତଙ୍କବାଦ ବିରୁଦ୍ଧରେ ଅପରେସନ୍ ସିନ୍ଦୂର ଅଭିଯାନରେ ଆତଙ୍କୀ ଆଡ୍ଡାକୁ ଧ୍ୱଂସ କରାଯାଇଛି । ଏହାପରେ ପାକିସ୍ତାନ ଉତ୍ତର ଓ ପଶ୍ଚିମ ଭାରତର ୧୫ଟି ସହରକୁ ଟାର୍ଗେଟ୍ କରିଛି । ଅବନ୍ତିପୁରା, ଶ୍ରୀନଗର, ଜମ୍ମୁ, ପଠାନକୋଟ୍, ଅମ୍ରିତସର, କପୁରତାଲା, ଜଲନ୍ଧର, ଲୁଧିଆନା, ଆଦମପୁର, ଭାଟିଣ୍ଡା, ଚନ୍ଦିଗଡ଼, ନାଲ୍, ଫାଲୋଦି, ଉତ୍ତରଲାଇ ଓ ଭୁଜକୁ ଡ୍ରୋନ୍ ଏବଂ ମିଜାଇଲ୍ ପଠାଇଛି ପାକିସ୍ତାନ । ଡ୍ରୋନ ଓ ମିଜାଇଲ୍‌ ଜରିଆରେ ପାକିସ୍ତାନ ଟାର୍ଗେଟ୍‌ କରିଥିଲା। ହେଲେ ଭାରତ S-400 ସିଷ୍ଟମ ସାହାଯ୍ୟରେ ପାକିସ୍ତାନୀ ଆକ୍ରମଣ ଉଦ୍ୟମକୁ ପଣ୍ଡ କରିଥିଲା। ଭାରତୀୟ ବାୟୁସେନା S-400 ସୁଦର୍ଶନ ଚକ୍ର ଏୟାର ମିଜାଇଲ ପାକିସ୍ତାନର ସବୁ ଡ୍ରୋନ୍‌ ଓ ମିଜାଇଲ୍‌ ଧ୍ବଂସ କରିଛି। ବିଭିନ୍ନ ସ୍ଥାନରୁ ପାକିସ୍ତାନୀ ଡ୍ରୋନ୍‌, ମିଜାଇଲ୍‌ର ଭଗ୍ନାବଶେଷ ମିଳିଛି।

ଅନ୍ୟପକ୍ଷରେ ଆତଙ୍କବାଦ ବିରୁଦ୍ଧରେ ଭାରତ ଅପରେସନ୍ ସିନ୍ଦୂର ଜାରି ରହିଛି । ଗୁରୁବାର ଭାରତୀୟ ବାୟୁସେନା ପକ୍ଷରୁ ପାକିସ୍ତାନର ଲାହୋରକୁ ଟାର୍ଗେଟ୍ କରାଯାଇଛି । ଏଥିରେ ସେନାକୁ ବଡ଼ ସଫଳତା ମିଳିଛି । ପାକିସ୍ତାନ ବାୟୁ ସେନା ପ୍ରତିରକ୍ଷା ବିଭାଗର ରାର୍ଡାରକୁ ଧ୍ୱଂସ କରିବାରେ ସଫଳ ହୋଇଛି ବାୟୁସେନା ।