ଓଡ଼ିଆ ଚଳଚ୍ଚିତ୍ର ‘ପୁଷ୍କର’ ୭୧ତମ ଜାତୀୟ ଚଳଚ୍ଚିତ୍ର ପୁରସ୍କାର ୨୦୨୩ ରେ ଶ୍ରେଷ୍ଠ ଓଡ଼ିଆ ଚଳଚ୍ଚିତ୍ର ମାନ୍ୟତା ପାଇଥିବାବେଳେ ଅଣ ଫିଚର ବର୍ଗରେ ଶ୍ରେଷ୍ଠ ଓଡ଼ିଆ ଚଳଚ୍ଚିତ୍ର ଭାବରେ ‘ଦ ସିଆଣ୍ଡ ସେଭେନ ଭିଲେଜେସ’ ପୁରସ୍କୃତ ହୋଇଛି । ସେହିପରି ଅଣ ଫିଚର ବର୍ଗରେ ‘ମୋ ବୋଉ, ମୋ ଗାଁ’ ଚଳଚିତ୍ର (ଆତ୍ମ ଜୀବନୀ/ଐତିହାସିକ) ଚଳଚ୍ଚିତ୍ର ମାନ୍ୟତା ପାଇଛି । ତରଙ୍ଗ ସିନେ ପ୍ରୋଡ଼କସନସ୍ ପ୍ରଯୋଜିତ ଏହି ଚଳଚ୍ଚିତ୍ର ଶଙ୍କର ତ୍ରିପାଠୀଙ୍କ ମୂଳ ଉପନ୍ୟାସ ନାଦବିନ୍ଦୁ ଉପରେ ଆଧାରିତ । ସବ୍ୟସାଚୀ ମିଶ୍ରଙ୍କ ଅଭିନୀତ ଚଳଚ୍ଚିତ୍ର ‘ପୁଷ୍କର’ ୨୦୨୩ ସେପ୍ଟେମ୍ବର ୧୯ ତାରିଖରେ ମୁକ୍ତିଲାଭ କରିଥିଲା । ଶୁଭ୍ରାଂଶୁ ଦାସଙ୍କ ନିର୍ଦ୍ଦେଶନାରେ ତିଆରି ‘ପୁଷ୍କର’ ଚଳଚ୍ଚିତ୍ର ଓଡ଼ିଶାର ଗ୍ରାମୀଣ ପରମ୍ପରା ଓ ସାମାଜିକ ଚଳଣି କୁ ନେଇ ମୃତ୍ୟୁ ପରେ ପୁଷ୍କର ଛଡ଼ାଇବା ପରମ୍ପରା ଉପରେ ପର୍ଯ୍ୟବେସିତ । ନିର୍ଦ୍ଦେଶକ ହିମାଂଶୁ ଶେଖର ଖଟୁଆଙ୍କ “ଦ ସି ଆଣ୍ଡ ସେଭେନ୍ ଭିଲେଜେସ୍” ପ୍ରାମାଣିକ ଚଳଚ୍ଚିତ୍ରରେ ପରିବେଶ ପରିବର୍ତ୍ତନର ରୂପ ଛନ୍ଦ ପରିପ୍ରକାଶ ପାଇଛି । ସେହିପରି ସୁବାଷ ସାହୁଙ୍କ ନିର୍ଦ୍ଦେଶନାରେ ପ୍ରସ୍ତୁତ ‘ମୋ ବୋଉ, ମୋ ଗାଁ’ ଚଳଚିତ୍ର ଅତୀତ ଓ ଗାଁ ର ଦୃଶ୍ୟକୁ ନେଇ ଆଧାରିତ । Post navigation ଛାତ୍ରୀଙ୍କ ସୁରକ୍ଷା ପାଇଁ ଉଚ୍ଚ ଶିକ୍ଷାନୁଷ୍ଠାନରେ ରହିବେ ‘ଶକ୍ତିଶ୍ରୀ’ ସଂଯୋଜିକା ସୁନ୍ଦରଗଡ଼ ନାବାଳିକା ଦୁଷ୍କର୍ମ ଘଟଣାର ତଥ୍ୟ ଅନୁଧ୍ୟାନ ପାଇଁ କମିଟି ଗଠନ କଲା ପିସିସି
