ଅନଲାଇନ୍ ବେଟିଂ ଆପ୍‌ ପ୍ରଚାର କରି ଫସିଲେ ୨୫ ସାଉଥ୍ କଳାକାର; ମାମଲା ରୁଜୁ

ଅନଲାଇନ ବେଟିଂ ଆପର ପ୍ରଚାର କରି ଫସିଛନ୍ତି ସାଉଥ୍ ଫିଲ୍ମ ଇଣ୍ଡଷ୍ଟ୍ରିର କଳାକାର । ବେଆଇନ ବେଟିଂ ଆପ୍ ପ୍ରଚାର ଅଭିଯୋଗରେ ମୋଟ୍ ୨୫ କଳାକାରଙ୍କ ବିରୋଧରେ ମାମଲା ରୁଜୁ କରାଯାଇଥିବା ଜଣାପଡିଛି । ଏହି କଳାକାରଙ୍କ ମଧ୍ୟରେ ରାଣା ଦଗୁବତୀ, ପ୍ରକାଶ ରାଜ, ନିଧି ଅଗ୍ରୱାଲ, ବିଜୟ ଦେବରକୋଣ୍ଡା ଓ ମଞ୍ଚୁ ଲକ୍ଷ୍ମୀୂ ସାମିଲ ରହିଛନ୍ତି। ଅଭିନେତାମାନଙ୍କ ବିରୁଦ୍ଧରେ ସୂଚନା ପ୍ରଯୁକ୍ତିବିଦ୍ୟା ଆଇନର ଧାରା ୬୬(D) ସମେତ ଟିଏସ୍ ଗେମିଂ ଆଇନ ଏବଂ ଆଇଟି ଆଇନର ବହୁବିଧ ଧାରା ଅନୁଯାୟୀ ମାମଲା ରୁଜୁ କରାଯାଇଥିବା ସୂଚନା ମିଳିଛି ।

ଏହି କେସ୍ ବ୍ୟବସାୟୀ ଫଣିନ୍ଦ୍ର ଶର୍ମାଙ୍କ ଅଭିଯୋଗ ପରେ ରୁଜୁ କରାଯାଇଛି । ଏଫଆଇଆରରରେ ଅନୁସାରେ ଅନଲାଇଟ ବେଟିଂ ଆପର ପ୍ରମୋସନ ପାଇଁ ସାମାଜିକ ଗଣମାଧ୍ୟମ ଆଡ ଜରିଆରେ କରାଯାଉଛି । ଯେଉଁଥିରେ ସେଲିବ୍ରିଟି ଓ ଇନଫ୍ଲୁଏନସରଙ୍କ ସହାୟତା ନିଆଯାଇଛି । କୋଟି କୋଟି ଟଙ୍କାର ଖେଳ ଏହି ବେଆଇନ ପ୍ଲାଟଫର୍ମରେ ହୋଇଛି । ଏଥିରେ ଅନେକ ପରିବାର ଆର୍ଥିକ ସଙ୍କଟରେ ଫସି ଯାଇଛନ୍ତି । ଏଥିରେ ଅଧିକାଂଶ ନିମ୍ନ ମଧ୍ୟବର୍ଗର ଲୋକେ ସାମିଲ ।

ଅଭିଯୋଗରେ ଶର୍ମା ଉଲ୍ଲେଖ କରିଛନ୍ତି ଯେ, ଲୋକେ ଏହି ଅନଲାଇନ ବେଟିଂ ଆପକୁ ବହୁଳ ମାତ୍ରାରେ ବ୍ୟବହାର କରିଛନ୍ତି । ଆଉ ନିଜ ପରିଶ୍ରମରେ ରୋଜଗାର ଅର୍ଥ ହରାଇ ଦେଇଛନ୍ତି । ଲୋକଙ୍କ ଅନଲାଇନ୍ ବେଟିଂ ଆପରେ ଖେଳିବା ନିଶା ପାଲଟି ଯାଇଥିଲା । ଚେତାବନୀ ପରେ ସେମାନେ ପଛକୁ ହଟିଛନ୍ତି । ସେଲିବ୍ରିଟିମାନେ ମୋଟା ଅଙ୍କର ଅର୍ଥ ନେଇ ଏହି ସବୁ ଆପର ପ୍ରଚାର କରୁଛନ୍ତି । ଏଥିରେ ଲୋକେ ପ୍ରଭାବିତ ହୋଇ ବେଟିଂ ମାୟାଜାଲରେ ଫଶି ଯାଉଛନ୍ତି । ଏହି ସବୁ ସେଲିବ୍ରିଟି ମାନେ ଅନଲାଇନ ବେଟିଂ ଆପରେ ଖେଳିବାକୁ ପ୍ରେରିତ କରୁଛନ୍ତି । ଆଉ ନିଜର ଆଦର୍ଶ ଅଭିନେତା ଓ ଅଭିନେତ୍ରୀଙ୍କ ଚିକ୍କଣିଆ ବିଜ୍ଞାପନରେ ଫସି ଯାଉଛନ୍ତି ଲୋକେ । ଏପରି ଆପ୍ ଏବଂ ପ୍ଲାଟଫର୍ମଗୁଡ଼ିକ ବ୍ୟାପକ ଆର୍ଥିକ କ୍ଷତି ଘଟାଉଛନ୍ତି, ବିଶେଷକରି ନିମ୍ନ ଏବଂ ମଧ୍ୟବିତ୍ତ ପରିବାର ମଧ୍ୟରେ ଯେଉଁମାନେ ସହଜ ଟଙ୍କା ପାଇବାର ମିଥ୍ୟା ପ୍ରତିଶ୍ରୁତିରେ ପ୍ରଲୋଭିତ ହେଉଛନ୍ତି।