ଶିଳ୍ପ କ୍ଷେତ୍ରରେ ସର୍କୁଲାର ଅର୍ଥନୀତି ସମ୍ବନ୍ଧୀୟ ଜାତୀୟ କାର୍ଯ୍ୟକ୍ରମ

FacebooktwitterredditpinterestlinkedinmailFacebooktwitterredditpinterestlinkedinmail

ନିର୍ଭୟ ମିଢିଆ : ଭୁବନେଶ୍ୱର

ଆଲୁମିନିୟମ୍ ଆସୋସିଏସନ୍ ଅଫ୍ ଇନ୍ଦିଆ (ଏଏଆଇ), ମ୍ୟାଟେରିଆଲ୍ ରିସାଇକ୍ଲିଂ ଆସୋସିଏସନ୍ ଅଫ୍ ଇନ୍ଦିଆ (ଏମ୍ଆର୍ଏଆଇ) ଏବଂ ଆଲୁମିନିୟମ୍ ସେକନ୍ଦାରୀ ମାନୁ୍ୟଫାକ୍ଚରର୍ସ୍ (ଏଏସ୍ଏମ୍ଏ) ସହ ମିଳିତ ଆନୁକୂଲ୍ୟରେ ଜୱାହରଲାଲ ନେହରୁ ଆଲୁମିନିୟମ୍ ରିସର୍ଚ୍ ଡେଭେଲପ୍ମେଣ୍ଟ୍ ଆନ୍ଦ୍ ଡିଜାଇନ୍ ସେଣ୍ଟର୍ ପକ୍ଷରୁ ହୋଟେଲ୍ ମେଫେୟାର୍ ପରିସରରେ ‘ଦକ୍ଷତା ବିକାଶ ଏବଂ ଆଲୁମିନିୟମ୍ ସମ୍ବନ୍ଧୀୟ ସଚେତନତା’ ୩ ଦିନିଆ କାର୍ଯ୍ୟକ୍ରମ ଉଦ୍ଘାଟିତ ହୋଇଛି । ଇଏସି-ପିଏମ୍, ଭାରତ ସରକାରଙ୍କ ସଦସ୍ୟ ସଚିବ ରତନ ପି.ୱାଟାଲ ଏହାର ଉଦ୍ଘାଟନ କରିଥିଲେ ।
ଏହି ଅବସରରେ, ଜେଏନ୍ଏଆର୍ଡିଡିସିର ନିଦେ୍ର୍ଦଶକ ଡଃ ଅନୁପମ ଅଗ୍ନିହୋତ୍ରୀ, ଭାରତ ସରକାରଙ୍କ ପ୍ରମୁଖ ବୈଜ୍ଞାନିକ ପରାମର୍ଶଦାତା ଅଫିସ୍ର ବରିଷ୍ଠ କନ୍ସଲ୍ଟାଣ୍ଟ୍ ଡଃ ବି.ଏନ୍. ଶତପଥୀ, ଖଣି ମନ୍ତ୍ରାଳୟର ନିଦେ୍ର୍ଦଶକ ଅମିତ ଶରଣ, ହିନ୍ଦାଲ୍କୋର ଏମ୍ସିଓଇ ବିଭୁ ମିଶ୍ର, ନାଲ୍କୋର କାର୍ଯ୍ୟନିର୍ବାହୀ ନିଦେ୍ର୍ଦଶକ ଶ୍ରୀ ଷଡ଼ାନନ ଚୌଧୁରୀ, ଏମ୍ଆର୍ଏଆଇର ଉପ ସଭାପତି କିଶୋର ରାଜପୁରୋହିତ ପ୍ରମୁଖ ଉପସ୍ଥିତ ଥିଲେ ।
ଉଦ୍ଘାଟନୀ ଅଭିଭାଷଣରେ ଶ୍ରୀ ୱାଟାଲ୍ ସର୍କୁଲାର୍ ଅର୍ଥନୀତି ଉପରେ ଗୁରୁତ୍ୱ ଆରୋପ କରିଥିଲେ । ସେ କହିଥିଲେ, ସର୍କୁଲାର୍ ଅର୍ଥନୀତି ଯେଉଁଥିରେ କି ସାଧନକୁ ଯଥାସମ୍ଭବ ଅଧିକ ସମୟ ପର୍ଯ୍ୟନ୍ତ ଉପଯୋଗ କରାଯାଇଥାଏ ଏବଂ ଉପଯୋଗ ସମୟରେ ସେଥିରୁ ସର୍ବାଧିକ ମୂଲ୍ୟ ବାହାର କରାଯାଇଥାଏ ଏବଂ ଏହାର ଜୀବନଚକ୍ର ଶେଷ ହେବା ପରେ ମଧ୍ୟ ତାହାର ପୁନଃଚକ୍ରଣ କରାଯାଇଥାଏ । ଏଥି ସହିତ, ସେ ଆନ୍ତର୍ଜାତୀୟ ପ୍ରତିଦ୍ୱନ୍ଦିତାମୂଳକ ପରିସ୍ଥିତିରେ ପ୍ରାକୃତିକ ସାଧନର କ୍ଷୟକୁ ଆଖିରେ ରଖି ସାଧନର ପ୍ରଭାବଶାଳୀ ଭାବେ ଉପଯୋଗ ବିଷୟରେ ମଧ୍ୟ ଉଲ୍ଲେଖ କରିଥିଲେ । ନିରନ୍ତର ବିକାଶ ପାଇଁ ସାଧନର ପ୍ରଭାବଶୀଳତା ଏକ ପ୍ରମୁଖ ଉପାଦାନ ହୋଇଥିବା ବେଳେ ବକ୍ସାଇଟ୍ର ରେସିଡୁ୍ୟ (ରେଡ୍ ମଡ୍), ଫ୍ଲାଏ ଆଶ୍, ସ୍ପେଣ୍ଟ୍ ପଟ୍ଲାଇନ୍ (ଏସ୍ପିଏଲ୍), ଡ୍ରସ୍ ଆଦିର ଉପଯୋଗ ଦ୍ୱାରା ମୂଲ୍ୟଯୁକ୍ତ ଉତ୍ପାଦର ବିକାଶ ସମ୍ଭବ ହୋଇପାରିବ । ନିଜର ଅଭିଭାଷଣରେ ଡଃ ଅଗ୍ନିହୋତ୍ରୀ ଆଲୁମିନିୟମ୍ ଶିଳ୍ପ କ୍ଷେତ୍ରରେ ସାଧନର ପ୍ରଭାବଶାଳୀ ଉପଯୋଗ ସହ ଏହାକୁ ୨୦୩୦-୩୫ ସୁଦ୍ଧା ଏକ ଶୂନ୍ୟ ନିର୍ଗମନ ଏବଂ କାର୍ବନ୍ ନିଉଟ୍ରାଲ୍ ଉଦ୍ୟୋଗରେ ରୂପାନ୍ତରିତ କରିବା ଦିଗରେ ଜେଏନ୍ଆର୍ଡିଡିସିର ଅବଦାନ ସୁନିଶ୍ଚିତ କରିବା ପାଇଁ ପ୍ରତିଶ୍ରୁତି ପ୍ରଦାନ କରିଥିଲେ । ଆଲୁମିନିୟମ୍ ଉଦ୍ୟୋଗ କ୍ଷେତ୍ରରେ ସାଧନର ପ୍ରଭାବଶାଳୀ ଉପଯୋଗକୁ ସୁନିଶ୍ଚିତ କରିବା ପାଇଁ ଏବଂ ସାଧନର ସଂରକ୍ଷଣ କରିବା ପାଇଁ ଏକ ନିୟନ୍ତ୍ରଣକାରୀ କର୍ତ୍ତୃପକ୍ଷର ପ୍ରତିଷ୍ଠା କରିବା ପାଇଁ ସେ ପରାମର୍ଶ ଦେଇଥିଲେ ।
ଏହି କାର୍ଯ୍ୟକ୍ରମରେ ଦେଶର ୩ଟି ପ୍ରମୁଖ ପ୍ରାଥମିକ ଆଲୁମିନିୟମ୍ ଉତ୍ପାଦନକାରୀ (ନାଲ୍କୋ, ବେଦାନ୍ତ ଓ ହିନ୍ଦାଲ୍କୋ), ଦ୍ୱିତୀୟକ ଆଲୁମିନିୟମ୍ ଶିଳ୍ପସଂସ୍ଥା, ସରକାରୀ ଅନୁଷ୍ଠାନ (ନୀତି ଆୟୋଗ, ପରିବେଶ ଓ ଜଳବାୟୁ ପରିବର୍ତ୍ତନ ମନ୍ତ୍ରାଳୟ, ସିପିସିବି, ଏସ୍ପିସିବି, ବିଏଆର୍ସି, ଆଇବିଏମ୍, ଖଣି ମନ୍ତ୍ରାଳୟ ଏବଂ ବିଆଇଏସ୍) ତଥା ପ୍ରଯୁକ୍ତିବିଦ୍ୟା ପ୍ରଦାନକାରୀ, ଯୁବ ଶିଳ୍ପଦ୍ୟୋଗୀ, ଶିକ୍ଷାବିତ୍ ଏବଂ ଛାତ୍ରଛାତ୍ରୀ ଅଂଶଗ୍ରହଣ କରୁଛନ୍ତି ।

FacebooktwitterredditpinterestlinkedinmailFacebooktwitterredditpinterestlinkedinmail

Be the first to comment

Leave a Reply

Your email address will not be published.


*