ବ୍ରେକିଙ୍ଗ ନିଉଯ

ଓଲଟି ପଡ଼ିଲା ଭ୍ୟାନ୍‌, ୪୦ ଶ୍ରମିକ ଆହତ

2022-08-05 12:17:42 ରାଜ୍ୟ

କଳାହାଣ୍ଡି ଜିଲ୍ଲା ଧର୍ମଗଡ଼ର ବିଜୁ ଏକ୍ସପ୍ରେସ ୱେର ପିପଲା ନିକଟରେ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି । ଏକ ଭ୍ୟାନ ଓଲଟି ୪୦ରୁ ଊର୍ଦ୍ଧ୍ୱ  ଶ୍ରମିକ ଆହତ ହୋଇଛନ୍ତି । 

ନିର୍ଭୟ ମିଡ଼ିଆ : ଧର୍ମଗଡ଼ :

କଳାହାଣ୍ଡି ଜିଲ୍ଲା ଧର୍ମଗଡ଼ର ବିଜୁ ଏକ୍ସପ୍ରେସ ୱେର ପିପଲା ନିକଟରେ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି । ଏକ ଭ୍ୟାନ ଓଲଟି ୪୦ରୁ ଊର୍ଦ୍ଧ୍ୱ  ଶ୍ରମିକ ଆହତ ହୋଇଛନ୍ତି । ଆହତଙ୍କ ମଧ୍ୟରେ ୫ଜଣଙ୍କ ଅବସ୍ଥା ଗୁରୁତର ରହିଛି । ସମସ୍ତଙ୍କୁ ଧର୍ମଗଡ଼ ହସ୍ପିଟାଲରେ ଭର୍ତ୍ତି କରାଯାଇଛି । ଆହତଙ୍କ ମଧ୍ୟରେ ଅଧିକାଂଶ ମହିଳା ଶ୍ରମିକ ଥିବା ଜଣାଯାଇଛି ।ଆଜି ସକାଳେ ବେହେରା ଅଞ୍ଚଳର ପଳସପାଣି ଗାଁରୁ ପ୍ରାୟ ୪୦ ଜଣ ଶ୍ରମିକ ଧାନ ରୋଇବାକୁ ଧର୍ମଗଡ଼ ଆସୁଥିଲେ । ଏହି ସମୟରେ ବିଜୁ ଏକ୍ସପ୍ରେସ ୱେର ପିପଲା ନିକଟରେ ଭ୍ୟାନଟି ଭାରସାମ୍ୟ ହରାଇ  ରାସ୍ତାକଡ଼କୁ ଓଲଟି ପଡ଼ିଥିଲା ।  ଦୁଘର୍ଟଣାରେ ୪୦ ଜଣ ଶ୍ରମିକ ଆହତ ହୋଇଥିଲେ । ପୁଲିସ ଓ ସ୍ଥାନୀୟ ଲୋକ ସମସ୍ତଙ୍କୁ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରିଥିଲେ । ଦୁର୍ଘଟଣା ପରେ ଗାଡ଼ି ଛାଡ଼ି ଡ୍ରାଇଭର ଫେରାର ହୋଇଯାଇଥିଲା ।  ପୁଲିସ ଗାଡ଼ିକୁ ଜବତ କରି ଘଟଣାର ତଦନ୍ତ କରୁଛି ।

ସମ୍ବନ୍ଧୀୟ ଖବର